انتخابات الرئاسه والاخوان المسلمين

مافيش اول ما الثوره حققت اول اهدافها فى انها تشيل راس النظام واتعدل قانون تنظيم الاحزاب والاخوان قالوا انهم حيعملوا حزب منفصل عن الجماعه  وعلى طول اعلنوا انهم مش حيرشحوا مرشح عن الاخوان او الحزب لانتخابات الرئاسه الجايه وطبعا كان مبررهم ان النظام الدولى قلق من توليهم رئاسه البلد ولكن متهيالى ان التصريح ده مش بس ده الموضوع خالص الاخوان شافوا ان الرئيس الجاى د ه لاول مره فى مصر الحره حيكون محط انظار الجميع والناس والاحزاب واالمستقلين كلهم حيشتغلوا على نقده بعد ما الحريه جت طبعا لمصر فغالبا الرئيس الجاى ده من الاخر مش حيعجب حد مش علشان هوه مش حيعمل حاجه لا هوه حيعمل بس الكل بيحلم باحلام لا تحصى لكل مشاكل مصر اللا تحصى برضه من تلاتين سنه سرقه ونهب  فالرئيس الجاى ده الناس مستنيه منه انه يصلح القضاء والقانون والدوائر الوظيفيه كلها غير اصلاح التعليم والصحه والطرق السريعه الكلها حوادث والصحرا المفهاش تعمير لحد دلوقتى الا كام فى الميه من مجمل الصحرا ودخول الناس القليله والتصدير المفيش  و و  و و   فعلشان كده الرئيس القادم ده ان كان من حزب حيكون الحزب بتاعه المغضوب عليه من جميع اطياف الشعب الا القليل منهم الحاول فهم الوضع فى مصر واللمس الاصلاحات القام بيها فعلا
اما بقيه الشعب فممكن يغضب على الرئيس او الحزب ده كله بالفتره الرئاسيه للاربع سنين فقط او لو حتى فترتين رئاسيتين فعلشان كده الاخوان قالوا لاااااااااااااااا احنا نسيب الدور ده على الحيتحط عليه من الشعب كله واحنا برضه نشوف هوه عمل ايه وناخد خبره ما هو اصل دى اول مره البلد يتحكم فيها من حزب او رئيس فى ظل ديمقراطيه ده المفروض والله اعلم يعنى لو بقت فعلا ديمقراطيه فاحنا مش لازم نكون اول ناس فى الموقف ده
المهم فى النهايه علشان كده
انا شايف ان اى رئيس حيترشح عن حزب تقريبا والله اعلم الحزب بتاعه ممكن يفشل بعد اول مره رئاسه
علشان كده انا شايف الاحسن ان برضه لااحزاب الليبراليه مترشحش رئيس عنها 
والرئيس باه ييجى مستقل احسن للبلد وللاحزاب
وعلشان الاحزاب الليبراليه متقعش فى المطب ده وتقول يالا علشان اول رئيس يكون ليبرالى
ومناخيرو