الى المجلس العسكرى عليك تلاته جنيه رصيد

بصراحه انا الصبح كنت محبط جدا جدا وكنت بدات اقول خلاص كده الثوره خلصت وسبحان الله خطاب عصام شرف النهارده سخنى تانى ززى من يومين ليه باه اقولك ليه
اللاحظته بعيد عن كل الهرتله القالها عصام شرف ومن غير حتى ما نركز فى اى كلمه قالها معنى انه ييجى لتانى مره فى التبيفزيون فى خلال يومين بعد اول حديث له معناه انه وقف للمجلس العسكرى وقاله مش حينفع الوضع الحالى ولازم الموقف الخدته من يومين انه يكمل لانه الصح على الاقل حيهدى الناس الهى التغييرات الوزاريه وتوقيف اللواءات الداحليه
2- كان ايه موقف المجلس العسكرى انه قاله ماشى اوكى ممكن بس استنى اسبوع اطلع قول للناس اى حاجه لغايه اسبوع لغايه ما ندور على ناس فى الفلول يسدوا مكان الناس الفلول القديمه
3 طبعا عصام شرف طلع قال الهرتله دى وانها حتتنفذ فى خلال اسبوعين وده خلى الناس كلها دلوقتى فهمت ان الواقف ادام حريتنا وحريه مصر هو المجلس العسكرى
4 متهيالى ان الناس بكره حتنزل عريانه فى الشارع لان خلاص معظمهم اتجنن
5 ده معناه ان الثوره دى فعلا تلد ولا تبيض
6 يعنى هما بابديهم وبتصرفاتهم المستفزه للشعب هما البيدوا امل للناس اكتر فى مواجهتهم وبيفهم الناس اكتر على حقيقتهم
7 علشان كده بازن الله الامل موجود طول ما هما موجودين وحنهدى لما هما ميكونوش موجودين يعنى والله العظيم بازن الله الثوره دى ناجحه بازن الله غزبن عن الكل علشان المصريين خلاص قالوا العايزينه فى كلمه واحده حريتنا قبل عيشتنا

الشعب يريد 123

الشعب من الاخر مش عايز كلام ولا اسطوانات قديمه من ايام العصر القديم بتاع مبارك وحلفائه الشعب من النهايه عايز نقط تنفيذ حد يطلع يقوله 1 موضوع القضاء حله كزا 2 موضوع الداخليه حلها اننا نستفيد من شباب جديد وما هو فوق رتبه عقيد مثلا ياخد نفس مرتبه بس يدى الفرصه للدم الجديد الجه بعد الثوره اه يباه فهمنا او حتى يطلع يقول الداخليه حتمشى بنفس النظام فنباه برضه فهمنا اما عمليه انك تقولى كلام فى العموم من نوع بعد المحاورات والمشاورات وقاعده المسؤليات من حيث المعلومات المقيده بقانون الهجره فقد امرنا باصدار قانون بناء عليه سيكون قانون الحريات المعلوماتيه مقيد بقانون المدنيه مما يفهم منه ان الانسان المصرى يلد ولا يبيض
عايزين خطه مفهومه وبسيطه عايزين مجلس عسكرى يتكلم معانا ويناقشنا مش عايزين مجلس عسكرى يدينا اوامر
عايزين مصر تباه احسن وترجعلها السياحه والسوق والتصدير وكل ده ومش عايزين الموضوع يتطور ان يباه لكل مواطن سلاح ده كده حيباه هبل وحيباه نتيجته حرب اهليه لا الشعب حيرضى بيها ولا الجيش حيرضى بيها
فمن الاخر موضوع لاعبينى يا ويكه ده خلصنا منه من بدايات الثوره المصريه لما واجهناه ونزلنا فى الشارع كلنا ضد النظام
لازم المجلس العسكرى يحاول يستوعب الشعب دلوقتى قبل بكره لان ده لو محصلش الناس حتنزل تقلع هدومها فى الشارع خلاص الناس جابت اخرها الابنه مات فى الثوره ونزل اخوه وامه علشان يتظاهروا فامه تضرب بالشلوط واخوه يتسجن بتحقيق عسكرى ده استفزاز لكل الشعب
الشعب عايز يفهم هل الماسكين البلد دلوقتى عايزين يحلوا ولا عايزين يراوغوا  

لو عايز تباه شوال خليك فى البيت

قبل كده الناس كانت بتقول يا جماعه الراجل شويه وحيعيط الراجل خلاص بيقولكوا حسيبها وحدبح ابنى على العيد الكبير ومراتى حتبيع حتتين الاثار ونجيبلكوا هدايا على العيد وقلنا للناس دى حمرا وبرضه نجحنا فى الاحنا عايزينه لما قعدنا فى الميدان تمنتاشر يوم مسبناهوش ومات المات واتصاب الاتصاب النهارده المجلس بيقولنا يا جماعه خلاص حنعالج الناس وحنديكوا تعويض  على كل جثه يعنى الموضوع فى النهايه طلع اننا مش اكتر من شوال فاكهه او خضار لو عايز تطلع شوال اقعد فى البيت ومتنزلش ولو عايز تلبسهم هما الشوال انزل الميدان

الام التائهه

ست عجوزه تاهت فى ارضها وهى ماشيه جالها ولد من ولاد البلد قالها اخد بايدك يا امه ودخل بيها شارع كله رايات حمرا وناس بيض على سمر قالتلوا مش دى ارضى يا بنى قالها طيب يا حاجه معلهش اعذرينى حجبلك المنطقه بالضبط واختفى شويه وجالها واد تانى اسمر وحليوه قالها يا امه انا عارف المنطقه وتعالى نجيبها وراح بيها وسال على اهل المنطقه وجمعوا بعض وراحوا جبوها بالعافيه بعد طلوع الروح وللاسف عبال ما جابوها كان فيه عيل صغير طلع للست زى العفريت وقالها يا اما متقلقيش انتى حتيجى معايا تغيرى الهدمه وتكلى لقمه ونرسى على بر الامان وفعلا خدها وغيرت هدومها وجت تاكل اللقمه لقت الواد قم خد الهدمه وهوبا طار من قدامها وسايها عريانه مع انها ست كبيره وكلها كبرياء ومينفعش تقعد عريانه علشان اللقمه واتارى ان ولاد المنطقه كانوا مستنيينها وواخدين بالهم من ساعتها وجابوا الولا ورجعولها الهدمه ...التكمله فيما بعد يوم تمانيه