بقالى كام يوم عمال افكر لما اشوف محمد البلتاجى مرشح الاخوان فى النظام السابق مش عارف هوه دلوقتى نائب رئيس جزب الحريه والعداله ولا شغلته ايه بالضبط فيه حاليا ..المهم ان الراجل طلع قال اننا للاسف كنا غلطانين كلنا لما اهتمينا بالسياسه وبمشاكل كل طائفه فى مشاكلها الخاصه فقط فلازم كلنا تانى نتلم وننسى الحاجات دى والمشاكل دى لغايه ما الثوره تخلص
ايه ده بجد والله العظيم سبحان الله بصراحه استغربت ليه
لان الموضوع بصراحه انهم كده يعنى عندهم خاصيه قويه قوى زى الموجوده عند السحالى فى تغيير لونها فى اقل من ثانيه بما يتماشى مع الوان ما حولها ... اتقل بس متقوليش ايه الاسلوب ده وايه المثال ده والسحالى وبتاع عيب اقولك لا اصبر واسمع
الاخوان كان تصريحهم ايه ساعه ما الثوار اتجهوا من ميدان التحرير الى ميدان العباسيه بغض النظر عن حكمه موقف المسيره من عدم حكمته من الاخر الثوره فيها تعقل وفيها تسرع فهى لحظات ممزوجه بين العقل فى اتخاذ القرار السريع وبين التهور والتسرع احيانا فى حركات غير محسوبه فلو فكرت قليلا يوم الرابع والعشرون من يناير ما قبل الثوره ستتذكر كيف الشعب المصرى كان يتحدث عن استحاله نجاح المظاهرات فلم نكن نتكلم عنها كثوره بل ان مفهوم الثوره بات واضحا بتاتا فى يوم الثامن والعشرون
علشان كده الثوره اتعملت من موقف متسرع من بعض الغاضبين فى اتجاهم لميدان التحرير المكنش محسوب اصلا انهم رايحين عليه
المهم
الاخوان قالو اننا بنوقع بين الشعب وبين الجيش بتاعه
الاخوان قالوا ان المسيره هى بعض من البلطجيه على بعض من المنتفعين او اصحاب الاجندات
قالوا ان ده اللتفاف على الدستور
انا باه شايف بعد ده كله
اننا النهارده لام ناخد موقف من الاخوان باى شكل قبل ما نرجع نقول اننا كلنا واحد زى ما محمد البلتاجى بيقول طيب ما ده الكنا بنقلهولك لما ماجيتوش ايام كتير فى الثوره مين ساب الثوار الاول مين ساب الشباب ومين طرد الشباب من الجماعه لمجرد حضورهم ندوه لابو الفتوح ومين ساب شباب الثوار لمجرد انهم مش اخوان مسللمين انهم يموت منهم واحد فى العباسيه بدون الالتفات اليه ودون الالتفات الست القذره الاتصورت ترمى حجر من فوق بيتها امام الجميع
علشان كده دلوقتى انا قدام حاجه وهى ان اولا لازم اكون صريح مع نفسى ان الاحزاب الليبراليه الحديده للاسف كلها بطيخ ومعظمهم اتضح انهم راغبين فقط فى الكراسى البرلمانيه فمثلا حد صاحبى قالى كلمه عجبتنى قوى الا وهى ان حزب المصريين الاحرار هو حزب اصلاحى وليس ثورى يعنى باصص على الاصلاح الاقتصادى او الاجتماعى لكنه للاسف يضم كتيرا من الفلول للنظام السابق
بصراحه تحليل جامد وشدنى وفعلا حقيقى من وجهه نظرى طبعا
عندك حزب المصرى الديمقراطى بصراحه انا بتشد كتير له لانى اعرف شخصيا بعض الشباب من الموكلين المؤسسين الذين كانوا فى مواجهه النظام السابق من قبل الثوره وكانوا من اعضاء الجمعيه الوطنيه للتغيير وطبعا لا غبار على الدكتور ابو الغار او الدكتور محمد غنيم بس للاسف فى النهايه منساش يوم ما المجلس العسكرى خون سته ابريل وكلمت واحد من الشباب الموكلين المؤسسين للحزب يومها وقولتله فين موقف الحزب بصراحه قالى انه ضد موقف المجلس بتاتا وازاى هوه قرفان من الموقف ده ولكن فى النهايه قالى ان الحزب بيجتمع علشان يطلع قرار بادانه موقف المجلس العسكرى وللاسف مشوفتش القرار ده ولا اى تصريح من الحزب وتقريبا مطلعش تصريح بده الا بعدها باسبوع تقريبا ومكنش مكتوب والله اعلم
انا عارف ان السياسه كلها حسابات بعيده عن الرجوله والشهامه وكل ده بس انا فى النهايه كشاب فى زمن ثوره المفروض ان كل الاحزاب دى طلعت من بعد الثوره انهم على الاقل يحافظوا على قوه الشباب والحركات الطلعت الاحزاب دى من النهايه على ظهرها
وعلشان كل الفات ده كان المفروض ان الاحزاب البلاستيك دى تفكر ولو حتى فى نفس اسلوب تفكيرها السياسى فى المصلحه بس انها تعرف انها لازم يكون لها موقف ولها تقل سياسى فى الوضع السياسى المصرى دلوقتى وانا كشاب مصرى ليس له طموح ولا يريد كرسى حفكر بنفس التفكير السياسى الرخيص بتاع الاحزاب يا اخى طالما انت عايز يكون لك موقف لازم تكون لك موقف طيب انا جاتلى فكره جايز كتير يفهونى وجايز ناس تانيه تقول انى بوقع بين الاخوان والليبراليين بس فى النهايه انا حقول رايى
كاى شاب محروق من الاخوان ومواقفهم المتلونه انا بقول ان لو كانت الاخوان نازلين يوم الجمعه اننا كنا عملنا بالونه وقولنا اننا مش حنشارك فى اليوم ده لان الاخوان حيودوا البلد فى طريق الدوله الاسلاميه واننا مع المجلس العسكرى طبعا احنا مش مع المجلس العسكرى بس ده حيعمل حاجتين واحد ان المجلس حيعتبرك ورقه ممكن يحتاجها فى وقت والاهم باه ان ده حيدى للاخوان صوت جديد لليبراليين وانهم من مصلحتهم انهم يستوعبوا الكفره دول والملحدين على راى معظم الاخوان او السلفيين علشان يقعدوا يتكلموا معاهم طبعا كلامى ده اتحرق خلاص لان الاخوان للاسف استمروا فى نفس لعبتهم الفديمه وقرروا عدم المشاركه
وبالتالى حننزل احنا الميدان ومعرفش الله اعلم بكره حيكون فيه ايه وما هو موقف المجلس العسكرى من هذا اليوم
الله اعلم
بس حوصل رساله صغيره للاخوان وحقولهم وحياه ابويا وامى لو حموت فى يوم انى اديكوا صوتى فى مجلس شباب مولد النبى اباوا قابلونى وان كل مشاركاتى السياسه او ايا كان حتكون ضدكو لانكم من الاخر اختارتوا انكوا تكونوا كالسحالى الملونه
واحب اقولكوا ان من سيرسم سياسه مصر القادمه هو من سيقودها وان من سيكون دوره منحصر فى التلون كالسحالى وان استطاع ان يحكم فلن يستمر طويلا لان تغيير لونكم سيظهر سريعا مع اول مشهد مختلف من حولكم بلون اخر وما اكثر الوان الله
وشكرا
ايه ده بجد والله العظيم سبحان الله بصراحه استغربت ليه
لان الموضوع بصراحه انهم كده يعنى عندهم خاصيه قويه قوى زى الموجوده عند السحالى فى تغيير لونها فى اقل من ثانيه بما يتماشى مع الوان ما حولها ... اتقل بس متقوليش ايه الاسلوب ده وايه المثال ده والسحالى وبتاع عيب اقولك لا اصبر واسمع
الاخوان كان تصريحهم ايه ساعه ما الثوار اتجهوا من ميدان التحرير الى ميدان العباسيه بغض النظر عن حكمه موقف المسيره من عدم حكمته من الاخر الثوره فيها تعقل وفيها تسرع فهى لحظات ممزوجه بين العقل فى اتخاذ القرار السريع وبين التهور والتسرع احيانا فى حركات غير محسوبه فلو فكرت قليلا يوم الرابع والعشرون من يناير ما قبل الثوره ستتذكر كيف الشعب المصرى كان يتحدث عن استحاله نجاح المظاهرات فلم نكن نتكلم عنها كثوره بل ان مفهوم الثوره بات واضحا بتاتا فى يوم الثامن والعشرون
علشان كده الثوره اتعملت من موقف متسرع من بعض الغاضبين فى اتجاهم لميدان التحرير المكنش محسوب اصلا انهم رايحين عليه
المهم
الاخوان قالو اننا بنوقع بين الشعب وبين الجيش بتاعه
الاخوان قالوا ان المسيره هى بعض من البلطجيه على بعض من المنتفعين او اصحاب الاجندات
قالوا ان ده اللتفاف على الدستور
انا باه شايف بعد ده كله
اننا النهارده لام ناخد موقف من الاخوان باى شكل قبل ما نرجع نقول اننا كلنا واحد زى ما محمد البلتاجى بيقول طيب ما ده الكنا بنقلهولك لما ماجيتوش ايام كتير فى الثوره مين ساب الثوار الاول مين ساب الشباب ومين طرد الشباب من الجماعه لمجرد حضورهم ندوه لابو الفتوح ومين ساب شباب الثوار لمجرد انهم مش اخوان مسللمين انهم يموت منهم واحد فى العباسيه بدون الالتفات اليه ودون الالتفات الست القذره الاتصورت ترمى حجر من فوق بيتها امام الجميع
علشان كده دلوقتى انا قدام حاجه وهى ان اولا لازم اكون صريح مع نفسى ان الاحزاب الليبراليه الحديده للاسف كلها بطيخ ومعظمهم اتضح انهم راغبين فقط فى الكراسى البرلمانيه فمثلا حد صاحبى قالى كلمه عجبتنى قوى الا وهى ان حزب المصريين الاحرار هو حزب اصلاحى وليس ثورى يعنى باصص على الاصلاح الاقتصادى او الاجتماعى لكنه للاسف يضم كتيرا من الفلول للنظام السابق
بصراحه تحليل جامد وشدنى وفعلا حقيقى من وجهه نظرى طبعا
عندك حزب المصرى الديمقراطى بصراحه انا بتشد كتير له لانى اعرف شخصيا بعض الشباب من الموكلين المؤسسين الذين كانوا فى مواجهه النظام السابق من قبل الثوره وكانوا من اعضاء الجمعيه الوطنيه للتغيير وطبعا لا غبار على الدكتور ابو الغار او الدكتور محمد غنيم بس للاسف فى النهايه منساش يوم ما المجلس العسكرى خون سته ابريل وكلمت واحد من الشباب الموكلين المؤسسين للحزب يومها وقولتله فين موقف الحزب بصراحه قالى انه ضد موقف المجلس بتاتا وازاى هوه قرفان من الموقف ده ولكن فى النهايه قالى ان الحزب بيجتمع علشان يطلع قرار بادانه موقف المجلس العسكرى وللاسف مشوفتش القرار ده ولا اى تصريح من الحزب وتقريبا مطلعش تصريح بده الا بعدها باسبوع تقريبا ومكنش مكتوب والله اعلم
انا عارف ان السياسه كلها حسابات بعيده عن الرجوله والشهامه وكل ده بس انا فى النهايه كشاب فى زمن ثوره المفروض ان كل الاحزاب دى طلعت من بعد الثوره انهم على الاقل يحافظوا على قوه الشباب والحركات الطلعت الاحزاب دى من النهايه على ظهرها
وعلشان كل الفات ده كان المفروض ان الاحزاب البلاستيك دى تفكر ولو حتى فى نفس اسلوب تفكيرها السياسى فى المصلحه بس انها تعرف انها لازم يكون لها موقف ولها تقل سياسى فى الوضع السياسى المصرى دلوقتى وانا كشاب مصرى ليس له طموح ولا يريد كرسى حفكر بنفس التفكير السياسى الرخيص بتاع الاحزاب يا اخى طالما انت عايز يكون لك موقف لازم تكون لك موقف طيب انا جاتلى فكره جايز كتير يفهونى وجايز ناس تانيه تقول انى بوقع بين الاخوان والليبراليين بس فى النهايه انا حقول رايى
كاى شاب محروق من الاخوان ومواقفهم المتلونه انا بقول ان لو كانت الاخوان نازلين يوم الجمعه اننا كنا عملنا بالونه وقولنا اننا مش حنشارك فى اليوم ده لان الاخوان حيودوا البلد فى طريق الدوله الاسلاميه واننا مع المجلس العسكرى طبعا احنا مش مع المجلس العسكرى بس ده حيعمل حاجتين واحد ان المجلس حيعتبرك ورقه ممكن يحتاجها فى وقت والاهم باه ان ده حيدى للاخوان صوت جديد لليبراليين وانهم من مصلحتهم انهم يستوعبوا الكفره دول والملحدين على راى معظم الاخوان او السلفيين علشان يقعدوا يتكلموا معاهم طبعا كلامى ده اتحرق خلاص لان الاخوان للاسف استمروا فى نفس لعبتهم الفديمه وقرروا عدم المشاركه
وبالتالى حننزل احنا الميدان ومعرفش الله اعلم بكره حيكون فيه ايه وما هو موقف المجلس العسكرى من هذا اليوم
الله اعلم
بس حوصل رساله صغيره للاخوان وحقولهم وحياه ابويا وامى لو حموت فى يوم انى اديكوا صوتى فى مجلس شباب مولد النبى اباوا قابلونى وان كل مشاركاتى السياسه او ايا كان حتكون ضدكو لانكم من الاخر اختارتوا انكوا تكونوا كالسحالى الملونه
واحب اقولكوا ان من سيرسم سياسه مصر القادمه هو من سيقودها وان من سيكون دوره منحصر فى التلون كالسحالى وان استطاع ان يحكم فلن يستمر طويلا لان تغيير لونكم سيظهر سريعا مع اول مشهد مختلف من حولكم بلون اخر وما اكثر الوان الله
وشكرا
